शुभेच्छा

शब्द असते शक्ति
शब्द म्हणजे भक्ति
शब्दाला नसते कुठलेही गाव
त्याचा नसतो कुठेही ठाव

अशाच शब्दांची कबुतरे जेंव्हा विचारांच्या खुराड्यातून निळ्याभोर आकाशात उडून आपले अनुभवाचे पंख फड्फड्तात. अशाच या पंखाची साठवण, प्रत्येक ह्रुदयात राहील त्याचीच आठवण, अखंड शब्द-शब्दांची, जोड़ तीच ही " जोड़ शब्दांची", ही आवृत्ति कवी - सुनील जगदाळे यांची ।

त्यास आमच्या कोटि कोटि शुभेच्छा .......

-सोम
D.S.V.R.P.
Medico -Theropy group

७८

७८
तुझ्या नजरेत पाहताना
मी स्वत: ला विसरून जातो,
कारण माझेच प्रतिबिंब
मी तुझ्या नजरेत पाहतो .

७७
अर्धे आयुष्य झोपण्यात जातं
तरीही माणुस झोपल्याशिवाय रहात नाही,
शरीराला हवा असतो क्षणभर विसावा
हे मात्र आपण मान्यच करत नाही.

७६
जीवनात बंधनं
सर्वांनाच नको असतात ,
कारण लादलेली बंधनं मग
काटयासारखी बोचतात .

७५
रात्रीची स्वप्ने पाहण्यात
एक वेगळीच मजा आहे,
दिवसा मात्र दुभंगलेली स्वप्ने पाहणे
ही एक सजा आहे .