१२९
तू सोबत असण्याने
मला फरक पडतो.
कारण आयुष्याची गोळाबेरीज
मी तुझ्यासोबतच करतो.
१२८
तुझ्याशी मी
नेहमी खरं बोलतो
कारण खोटे बोलताना
माझा शब्द सुद्धा थरथरतो.
१२७
तुझा आवाज ऐकण्यासाठी
माझे मन खूप अतुर असते,
तुझ्या एका शब्दांतसुद्धा
तुझ्या मनातील जवळीक दिसते.
१२६
तू आहे, मी आहे, हे जग आहे
हाच खरा मेळ आहे,
आयुष्य जाईल असेच निघून
जगून घे, हीच खरी वेळ आहे.
१२५
प्रेम असावे सागरासारखे
अथांग, अफाट आणि दिव्य,
छोट्या-मोठ्या नद्यांना कवेत घेणारे
महाकाय, अनंत आणि भव्य
१२४
माझ्या न बोलण्याने
तुला काय फरक पडतोय?
पण तू जर एकदा बोलली नाहीस तर
माझा जीव ढसाढसा रडतोय,
आणि तुझ्या फोनची वाट बघत
रात्र जागत काढतोय.
१२३
डिजिटल जमान्यात आपण
आपल्यातच हरवू नये,
घरात एकत्र असून सुद्धा
मग परक्यासारखं राहू नये.
१२२
जे शब्दांत न सांगता, डोळ्यात दिसते
त्यालाच प्रेम म्हणावे,
म्हणून त्याला आवडेल
तसे मग आपणही वागावे.
काही गोष्टींमुळे आपल्या
जीवनाला अर्थ असतो
त्यापैकी एक म्हणजे आपले मित्र
म्हणून मित्रांना कधीही विसरू नका.
१२०
तुझ्याशी बोलताना
मन कसं मोकाट सुटतं,
आणि इतरांबरोबर मात्र
निशब्द होऊन बसतं.
११९
स्वप्नांची पूर्ती करताना
काहूर मनात दाटते,
तुझ्यासोबत मला या आसमंतात
उंच उंच भरारी घ्यावीशी वाटते.
११८
आज मला काहीतरी
नवीन करायचंय,
या खडतर जीवनातून
जरा अलगद बाहेर पडायचंय.
११७
तू जवळ असो किंवा दूर
मला काही फरक पडत नाही,
कारण तुझ्या-माझ्या मनात
कधीच अंतर पडत नाही.
११६
तुझी सोबत असणं
हेच माझ्यासाठी पुरेसं आहे,
पण तुझी सोबत नसेल
तर हे जीवन सुद्धा नकोसं आहे.
११५
तू जीवनात असशील
तर मी माझी पर्वा करत नाही,
तुझ्याशिवाय माझे आयुष्य
मी आयुष्यच धरत नाही.
