४२.

४२.
जीवन कशासाठी आहे
हे जेंव्हा कळतं,
सुखी जीवनाचं गुपीत
तेंव्हाच तर मिळतं.

४१.
तुझ्या प्रेमाची नशा
माझ्या डोळ्यात दिसेल,
तू नाही म्हटलीस
तरी मी मात्र तुझाच असेल.

४०.
क्षणोक्षणी वाट पाहण्यात
वेगळाच आनंद आहे,
चोरून तुझ्याकड़ं पाहणं
हा तर माझा छंद आहे.

३९.
प्रत्येकास वाटतं मी
इतरांपेक्षा वेगळं असावं,
वेगळ्या स्वभावानं
इतरांच्या मनात बसावं.

३८.
तुझ्या माझ्यातील संवाद
कुणीतरी ऐकला होता,
तुझ्या नकाराने मात्र
माझ्या ह्रदयाचा ठोका चुकला होता.

३७.
सागरी लाटा पहायला
मलाही आवडतात,
पण त्याच जर खवळल्या
तर जीव घेवून जातात.

३६.
समुद्र किनारचा वारा
तुझे केस हलवतो,
केसाच्या एक बटेने
तुझे सौंदर्य खुलवतो.

३५.
तुझ्या सोबत असताना
मला शब्दांची जोड़ असते,
तू नसलीस की मात्र
तुझ्या येण्याची ओढ़ असते.

३४.
प्रत्येकासाठी पहिलं प्रेम
हा अनुभव नवा आहे,
कितीही नाकारला तरीही
तो प्रत्येकालाच हवा आहे.