९८
प्रत्येकाची नजर तुझ्याकडे वळू दे,
प्रत्येकाच्या ह्रुदयात तुला जागा मिळू दे
मी समजावीन स्वत:ला कसाही
कारण जळणे काय असते तेहि मला कळू दे.
९७
क्षणभराची भेट आपली
रात्रंदिवस आठवणी देऊन जाते.
स्वप्नांच्या पलिकडे
स्वर्गसुखात घेऊन जाते.
९६
जेंव्हा तू माझ्याशी भांडतेस
तू मला फार आवडतेस
कारण भांडताना सुद्धा
तू मला प्रेमानेच जिंकतेस.
९५
तुझे कौतुक केले तर
तुला खोटे वाटते,
नाहीच बोललो तरी
मनात काहुर दाटते.
९४
तुझ्याइतकी रूपवान
मी आजपर्यंत पाहिली नाही
माझ्यासाठी तूच माझी स्वप्नपरी
सुष्मिता/ऐश्वर्या राहिली नाही
९३
मला खुप वाटतं की
तू माझ्यासोबत असावंस
जीवनातले चांगले वाईट क्षण
सोबतीने कुरुवाळत बसावंस
९२
तू मला वाईट कधीही
वागूच दिले नाहीस
कारण तू इतरांप्रमाणे मला
एकटे कधी जगुच दिले नाहीस.
९१
मीही झुरतोय तुझ्या प्रेमासाठी
थोड़े प्रेम करून तर बघ
चल, स्वत:साठी राहू दे जगायचं
थोडं माझ्यासाठी जगुन तर बघ.
९०
प्रेम आहे तुझं नि माझं
तुझ्या माझ्या जवानीचं
हे नाही म्हातारपणीच
आणि नाही बाळपणीचं.
८९
दिवसाची रात्र करून मी
वाट तुझी पहात होतो
एक एक क्षण तासासारखा
वाटुन मोजत होतो.
८८
तुझ्या येण्याने मी
पुरता बावरलो
कारण तुझे सौंदर्यच अलौकिक
क्षणभरात मी स्वत:लाही विसरलो.
८७
एक क्षण सुद्धा तासासारखा
वाटू लागतो तू सोबत नसताना
दिवस सुद्धा कमी पडतात मग
गप्पांसाठी तू सोबत असताना
८६
मी देव कधी पाहिला नाही
पण त्यासाठी ह्रदय वाहिलं आहे
मी तुझं ह्रदयही कधी पाहिलं नाही
पण त्यासाठी माझं सारं आयुष्य मात्र वाहिलं आहे.
८५
प्रेम पाहण्यासाठी नाही
ते अनुभवण्यासाठी असते
ते घेण्याबरोबरच
इतरांना देण्यासाठीही असते.
८४
बरेच जन्म घ्यावे लागतील
तुझे प्रेम मिळविण्यासाठी
तरीही तू मिळशील की नाही शंका आहे
कारण सगळीकडे तुझ्याच सौंदर्याचा डंका आहे
८३
समुद्राच्या काठावर
मुलीच्या ओठावर
सविनय शांतता दिसते
पण तीसुद्धा जास्त वेळ कुठे असते?
८२
तुझ्या प्रेमासाठी मला
पुर्णपणे वहात जायचंय
दूर कुठेतरी तुझ्यासोबत
घरकुल करून रहायचंय.
८१
प्रेम ओळखावे नजरेने
शब्द कमी पडतात म्हणुन
आजही दया इशार्याना किंमत
नका पाहू बोलून
८०
कळ्यांना फुले येतील
फुलांना सुगंध असतील
तुलाही मित्र मिळतील
पण माझ्या इतके प्रेम करणारे कुणीच नसतील
७९
बहुधा आई आणि प्रेयसीच्या
प्रेमाची तुलना केलेली आपण पाहतो
पण प्रियकर हुश्शार
तो दोघीँनाही किंमत देऊन जातो.
