३२.

३२.

तुझ्या सौंदर्याचं कौतुक
मला इतरांकडून ऐकायचय,
माझ्या शब्दांची गाथा
खरी आहे का ? ते पहायचय.

३१.

प्रेमाची कदर त्यांनाच असते
जे कुणावर तरी प्रेम करतात,
प्रेम न करणारे मात्र
पक्षांसारखे झुरतात.

३०.

प्रेम कुणावरही जडतं
आसमंतातील प्रत्येकांवर,
प्रेम कुणासाठीही मरतं
प्रत्येकाच्या प्रेम करण्यावर

२९.

माझ्यावर प्रेम करताना
इतरांना का विचारतेस ?
नकारात्मक उत्तर देताना
मनातून का झुरतेस ?


२८.

तुझ्या नकारातसुद्धा होकार आहे
हे मला अवगत आहे,
मला नकार देऊन तू
स्वत:लच फसवत आहे.

२७.

क्षणोक्षणी तुझ्या
आस्तित्वाची जाणीव असते,
रात्रीच्या चांदण्याला
प्रकाशाची उणीव भासते.

२६.

तुझ्या मनाप्रमाणे वागणे
मला शक्य नाही,
तुझ्याविना जगणेही
मला मान्य नाही.

२५.

विश्वाच्या गाभार्यात
मन सैरावैरा धावतं,
आस्तित्वाची जाणीव झाली
की क्षणभरात थांबतं.

२४.

अंत:करणाच्या गाभार्यात
ह्रदयाचं पाखरू घर करुन राहतं,
मला माहीत आहे तू येणार नाहीस
तरी हे वेडं मन तुझी वाट पाह्तं.

२३.

जीवन पहायचं नसतं
ते अनुभवायचं असतं.
दू:खाच्या काटेरी कुंपनातुन
अलगद बाहेर पडायचं असतं.

२२.

दिवसा चंद्राचं असणं जाणवत नाही
म्हणुन चंद्र नसतो असे नाही,
तू सोबत नसलीस तरी
तुझी आठवण मात्र मला सोडत नाही.

२१.

तुझ्यासोबत जगण्यात
एक वेगळाच अर्थ आहे,
तुझी सोबत नसेल तर
जगणेसुद्धा व्यर्थ आहे.

२०.

तुझ्यावर प्रेम करतोय
त्याला खेळ नको समजू,
आयुष्य निघून जाईल असंच
त्याला फालतू वेळ नको समजू।

१९.

प्रेम हवे असते सर्वांना
गाईच्या वासरांना, आईच्या लेकरांना,
प्रेम हवे असते सर्वांना
पृथ्वीवरील सर्वच जीवांना .

१८.

तुझ्यावर प्रेम करताना
मी इतरांचा विचार करत नाही,
कारण तुझ्या प्रेमाव्यतिरिक्त
माझ्याकडे वेळच उरत नाही.

१७.

शांततेचा भंग करून
प्रेमाला रंग चढवू नये,
पावित्र्याचे अंग सोडून
चरित्र्यावर शिंतोडे उडवू नये.

१६.

१६ .
प्रेम हे असंच असतं
ते कुणावरही जडतं,
पण एकतर्फी प्रेम
मध्येच गळुन पडतं।

१५

१५.
प्रेमासाठी वाट्टेल ते करायला
सर्वच तयार असतात,
पण प्रेयसीचं प्रेम नाही मिळालं
म्हणून मात्र रडत बसतात।